МХХ оператив ходимлари ОТМ ўринни $30 минг эвазига сотаётган пойтахтлик адвокатни қўлга олдилар
Тошкент. 22 май. ЎзТАГ – МХХ оператив ходимлари ОТМ ўринни $30 минг эвазига сотаётган пойтахтлик адвокатни қўлга олдилар, деб хабар беради Ўзбек телеграф агентлиги (ЎзТАГ) куч тизими хабарига асосланган ҳолда.
“МХХ оператив ходимлари Бош прокуратура департаменти вакиллари билан биргаликда Тошкент давлат юридик университетига киришда ёрдам эвазига пул ундириш билан шуғулланаётган пойтахт адвокатлик фирмаларидан бирининг ходимини қўлга олдилар”, - дейилади хабарда.
Пойтахтлик 51 ёшли Улуғбек Дўстов бир фуқаронинг танишини ОТМ ўқишга киритиш эвазига ундан $30 минг ундирмоқчи бўлган. Айни пайтда у университети ўқитувчисилигини айтиб, пулларнинг бир қисмини ОТМдаги танишларига бериши зарурлигини айтган. Натижада У.Дўстов пойтахт ресторанларидан бирида $10 минг аванс ва абитуриент паспорти нусхасини олаётганида қўлга олинди.
“Бошланғич сўроқда у айбини тан олди ва бу ишни бойиш мақсадида қилганлигини маълум қилди. Дўстов пулни шахсий эҳтиёжларига ва уй таъмирига сарфламоқчи бўлган. Ҳозирда Дўстовга нисбатан жиноят иши очилган. Унинг шерикларини аниқлаш ишлари кетмоқда”, - деб таъкидланади МХХ хабарида.
