МХХ ўзбекистонлик қизларни БААга жинсий қулликка жўнатиш билан шуғулланган тўда аъзоларини қўлга олди
Тошкент. 15-ноябр. ЎзТАГ – Миллий хавфсизлик хизматининг Хоразм вилояти Бошқармаси ходимлари қизларни фоҳишабозлик қилиш учун Бирлашган Араб Амирликларига юбориш билан шуғулланган уюшган жиноий гуруҳ (ЎХҲ) фаолиятига чек қўйди, деб хабар беради Ўзбек телеграф агентлиги (ЎзТАГ) куч тизими хабарига асосланган ҳолда.
Муассасадан маълум қилишларича, хусусан, Хоразм вилоятида қизларни қидириш, ишга жойлаштириш ва уларни Амирликда мажбурий эксплуатация қилиш учун олиб чиқиб кетиш билан шуғулланган И.Аманова ҳибсга олинган.
“Бундан ташқари, унинг шу ерда яшовчи шериклари жиноий жавобгарликка тортилган. Булар бўлажак қурбонларни ёллаш билан шуғулланган К.Отажонов ва Ш.Ражабовлардир. “Тирик мол”ларни Ўзбекистондан Бирлашган Араб Амирликларига Россия ҳудуди орқали олиб ўтиш ва ташиш У.Раҳимовга юкланган”, - деб таъкидлашди брифингда МХХ ходимлари.
Шу билан бирга, жинсий қулларни юбориш бўйича қўриқлаш ва хавфсизлик вазифалари ишнинг яна бир фигуранти Э. Атамуратовга топширилган. Қизлар манзилига етиб келгач уларни Хоразм вилоятидан бўлган О. Алламова ва Қашқадарё вилоятида яшаган Д. Шабиевалар кутиб олишган.
Улар Дубайда бир неча притонларга эгалик қилишган.
УЖГ аъзолари тезкор тадбирлар давомида икки қизни кейинчалик Россия Федерацияси орқали Дубайга жўнатиш учун Қозоғистонга олиб чиқиб кетишга уриниш пайтида ушланди. Натижада юқоридаги шахсларга нисбатан Ўзбекистон Жиноят кодексининг 135-моддаси (Одам савдоси) бўйича жиноий иш очилди.
