Молия вазирлиги яна бир компанияга мажбурий суғурта билан шуғулланишга рухсат берди
Тошкент. 5 май. ЎзТАГ – Ўзбекистон Молия вазирлиги Gross Insurance компаниясининг лицензиясини мажбурий суғуртанинг барча турлари бўйича суғурта фаолияти юритиш ҳуқуқи бериш ҳисобига кенгайтириш ҳақида қарор қабул қилди, деб хабар беради Ўзбек телеграф агентлиги (ЎзТАГ).
“Энди ушбу компания ижтимоий аҳамиятга молик суғурта турлари билан шуғулланиш ҳуқуқига эга бўлган ўнта энг йирик маҳаллий суғурта ширкатлари сирасига кирди. Бу суғурта турлари транспорт воситалари эгаларининг фуқаролик масъулиятини мажбурий суғурта қилиш, иш берувчининг фуқаролик масъулиятини мажбурий суғурта қилиш ва юк ташувчининг фуқаролик масъулиятини мажбурий суғурта қилиш кабиларир”, - деб таъкидлашди Молия вазирлигида.
Эслатиб ўтамизки, Gross Insurance суғурта компанияси 2011 йил ноябрда таъсис этилган. 2016 йилнинг биринчи чораги якунлари бўйича у барча суғуртачилар орасида низом жамғармасининг катталиги бўйича тўртинчи ўринни, суғурта мукофотлари йиғиш кўрсаткичи бўйича еттинчи ўрини эгаллаган эди.
