Moody’s агентлиги Asia Alliance Bank ўзбек банкининг рейтингини оширди

Тошкент. 23 декабр. ЎзТАГ – Moody’s Investors Service халқаро рейтинг агентлиги Asia Alliance Bank АТБнинг миллий ва ҳорижий валютадаги узоқ муддатли рейтингларини В3дан В2га кўтарди, деб хабар беради Ўзбек телеграф агентлиги (ЎзТАГ).   

“Барча рейтинглар барқарор прогнозга эга”, - деб таъкидлашди банк матбуот хизматида.

Moody’s маълумотларига кўра, банк рейтингининг барқарор прогноз билан кўтарилишида банкнинг молиявий барқарорлигини сақланиши, банк филиаллар тармоғини кенгайиши ва фаолиятини диверсификация қилиниши ҳамда банк молиявий ресурслар базасининг келгусида кенгайиши каби ижобий омиллар эътиборга олинган.

Эслатиб ўтамизки, Asia Alliance Bank Euromoney журнали томонидан Ўзбекистоннинг энг яхши банки деб тан олинган ва Awards for Excellence 2016 мукофотини олган.