Москва бадиий театри Тошкент саҳналарига чиқади
Тошкент. 25 сентябр. ЎзТАГ – 29 сентябр-2 октябр орасида Тошкентда Москва бадиий театрининг гастроллари бўлиб ўтади, деб хабар беради Ўзбек телеграф агентлиги (ЎзТАГ).
Машҳур театр иккита спектаклни намойиш этади. Жумладан, 29 ва 29 сентябрда “Уй” спектакли, 1 ва 2 октябрда “Тарози” спектакллари ўйналади.
Гастроллар Ўзбекистон ва Россия Маданият вазирликлари ўртасидаги ҳамкорлик доирасида ташкил этилган. Тошкент иккинчи марта Россия Федерацияси Маданият вазирлиги Федерал марказининг гасролларни қўллаб қувватлаш бўйича “Катта гастроллар. Хорижий дастур” кенг кўламли дастурида иштирок этмоқда.
Ўзбекистон Маданият Вазирлигининг таъкидлашича, Тошкентдаги театр мавсумини энг яхши рус театрлари спектакллари намойиши билан очиш яхши анъанага айланиб бормоқда. Эслатиб ўтамизки, ўтган йили “Катта гастроллар” лойиҳаси доирасида Ўзбекистонга Малый театр ташриф буюрган эди.
