Москва ва бутун Рус патриархи Кирилл май-июнда Ўзбекистонга ташриф буюради
Тошкент. 14 апрел. ЎзТАГ – Москва ва бутун Рус патриархи Кирилл май-июнда Ўзбекистонга ташриф буюради, деб хабар беради Ўзбек телеграф агентлиги (ЎзТАГ).
Бу ташриф эҳтимоли ҳақида “Интерфакс” агентлиги РФ ТИВ учинчи департаменти директори ўринбосари Евгений Терехинга асосланиб хабар қилмоқда.
У Давлат думасининг МДҲ масалалари бўйича қўмитаси мажлисида ҳозирги вақтда патриархнинг Ўзбекистонга ташрифига тайёргарлик кўрилаётганлигини таъкидлаб ўтди.
Унинг қайд этишича, патриарх Кириллнинг ташрифи шу йилнинг 21-25 апрелига режалаштирилган эди, аммо ташриф муайян сабабларга кўра, шу йилнинг май-июнига кўчирилиши мумкин.
Терехиннинг маълумотига кўра, ташриф саналари ҳали келишилгани йўқ.