Москвада таниқли телебошловчи Александр Масляковга хужум қилинди
Тошкент. 5 март. ЎзТАГ – Москвада таниқли телебошловчи Александр Масляковга хужум қилинди, лекин унинг ўзи буни арзимаган ҳол деб баҳолади, дея хабар беради Ўзбек телеграф агентлиги (ЎзТАГ).
Куни кеча “Говорит Москва” радиостанцияси соат 22.49ларда (Москва вақти билан) Масляковга Шереметьев кўчасидаги КВН уйи ёнида хужум қилингани ҳақида воқеа гувоҳларига асосланган ҳолда хабар берди. Станция маълумотларига кўра, хужум телебошловчи машинасига ўтираётган пайтда содир бўлган.
“Говорит Москва” ҳамсуҳбатларининг айтишича, хужум қилган шахс ўзини ғалати тутган ва гўё Масляковдан КВНга чипта талаб қилган.
Хужум қилган шахс ушланган.
ТАСС маълумотларига кўра, юқорида тилга олинган эркак КВН президентининг оёғидан ушлаб олган.
Кейинчалик, соат 23.31ларда (Москва вақти билан) Масляков ушбу маълумотларни қатъийян рад этди. LifeNews телеканали билан суҳбатда у ундан унча узоқ бўлмаган жойда қандайдир ёш йигитлар ғижиллашаётгани ва муштлашиб кетгани, лекин бундан у жабр чекмаганлигини маълум қилди.
Полицияда ТАССга Масляковга унча жиддий бўлмаса-да, хужум бўлгани ҳақида хабар қилишди. Бу ҳол Масляков автомобилига ўтираётганда юз берган. Масляков ва унинг ўғли хужум қилган кишининг ҳаракатларига барҳам беришган.
Эслатиб ўтамизки, шу куни оқшом КВН уйида Премьер-лиганинг 1/8 финали биринчи ўйини бўлиб ўтган. Унда чоракфинал иштирокчилари аниқланган.
