МТС Ўзбекистонда UMS брендини ололмайди
Тошкент. 4 ноябр. ЎзТАГ – “Мобильные ТелеСистемы” (МТС) компанияси Ўзбекистонда UMS брендини ололмайди, дея хабар беради Ўзбек телеграф агентлиги (ЎзТАГ).
Яқинда REGNUM агентлиги “UMS аралаш савдо белгиси ўзбек мебел ишлаб чиқарувчиси томонидан рўйхатдан ўтказилган”лиги ҳақида маълум қилди.
Баъзи ўзбек экспертларининг фикрига кўра, бренднинг бошқа компания номига бундай тез (октябр охирида) рўйхатдан ўтказилиши МТС ва ўзбек ҳукумати ўртасида янги мураккабликлар юзага келганлигини кўрсатади.
“Ушбу ном остида янги ҚК ишлаши ҳақида маълум қилинганидан кейин бренднинг бошқа компания томонидан рўйхатдан ўтказилиши томонлар орасида янги англашилмовчиликлар юзага келганлигини кўрсатади”, - деди экспертлардан бири исмини ошкор қилмаган ҳолда.
Экспертнинг фикрига кўра, “Система” АМК директорлар кенгаши раиси Владимир Евтушенковнинг хибсга олиниши ҳам янги корхона ишига ҳалақит бериши мумкин.
Эслатиб ўтамизки, МТСнинг шўъба корхонаси бўлган “Ўздунробита”нинг лицензияси 2012 йил ёзида чақириб олиниб, компанияга $600 млнлик даъво киритилган, ширкатнинг раҳбариятига қарши жиноят иши очилган эди. Кейинчалик “Ўздунробита” банкрот деб топилиб, унинг активлари “Ўзбектелеком” балансига эксплуатация қилиш ҳуқуқисиз ўтказилган эди”.
2014 йил июли охирида Ўзбекистон ҳукумати ва МТС яраш шартномаси тузиб, янги қўшма компания ташкил қилиш ҳақида келишиб олдилар. Янги алоқа операторининг 50,01% акциялари Россия компаниясида, колган 49,99% эса Давлат алоқа қўмитаси қошидаги унитар корхонага берилди. Келишувга кўра, ҚК собиқ “Ўздунробита”га тегишли мулк, ускуна ваинфраструктурани олиши керак.
Янги ҚК 2014 йилнинг 1 декабридан бошлаб мобил хизматлар бозорида “Universal Mobile Systems” (UMS) савдо белгиси остида иш бошлаши режалаштирилган еди.
