Муддатидан олдинги сайловда 82 мингдан ортиқ ўзбекистонлик сайловчилар овоз беришди

Тошкент. 18 декабрь. ЎзТАГ – 82 мингдан зиёд ўзбекистонликлар Олий Мажлис Қонунчилик палатасига муддатидан олдин сайловда овоз беришди, дея хабар беради Ўзбек телеграф агентлиги (ЎзТАГ).

"12 декабрдан 16 декабргача 82486 сайловчилар муддатидан олдин овоз бериш ҳуқуқидан фойдаланди", - дейилади Марказий сайлов комиссияси (МСК) матбуот хизмати хабарида.

Қайд этилганидек, Ўзбекистон сайлов участкаларида 20479 нафар сайловчи, чет элда 62007 нафар фуқаро овоз берди. Чет элда овоз берганларнинг кўпчилиги Россия ҳудудида қайд этилган.

Эслатиб ўтамиз, Олий Мажлис Қонунчилик палатаси депутатлари сайлови 2019 йил 22 декабрда бўлиб ўтади. Бешта партия – Ўзбекистон Либерал-демократик партияси (ЎзЛиДеП), Ўзбекистон Халқ демократик партияси (ЎзХДП), "Миллий тикланиш" демократик партияси, "Адолат" социал-демократик партияси ва Экологик партиялардан 750 рўйхатдан ўтган номзодлар парламентда 150 ўринга даъвогарлик қилмоқда. Сайловолди ташвиқот ишлари 18 ноябрь куни бошланди.

Бундан ташқари, Ўзбекистон ташқи ишлар вазирлиги (ТИВ) республиканинг бошқа мамлакатлардаги дипломатик ваколатхоналари ва консуллик муассасалари ҳузурида ташкил этилган сайлов участкалари рўйхатини эълон қилди. Шунингдек, Москва (Россия) ва Кванжу (Жанубий Корея)да қўшимча сайлов участкалари ташкил этилганлиги хабар қилинади.

Сайлов жараёнини халқаро кузатувчилар, жумладан, МДҲ ва бошқа халқаро ташкилотлар кузатадилар. Сайловларни кузатиш учун илк маротаба ЕХҲТ ДИИҲБнинг кенг кўламли миссияси амалга оширилди, унинг сони 300 кишига етиши кутилмоқда.

Сурат манбаи: eadaily.com