Ўн иккинчи ҳафтада Ўзбекистон Марказий банки миллий валютанинг америка долларига нисбатан курсини деярли 15 сўмга пасайтирди

Тошкент. 22 декабр. ЎзТАГ – Ўн иккинчи ҳафтада Ўзбекистон Марказий банки миллий валютанинг АҚШ долларига нисбатан курсини деярли 15 сўмга пасайтирди, деб хабар беради Ўзбек телеграф агентлиги (ЎзТАГ).

22 декабрдан бошлаб $1 курси 2794,98 сўм даражасида белгилади, бу эса бир ҳафта олдингидан 14,93 сўм юқоридир (15 декабрдан – 2780,05 сўм).

Октябр бошидан бери Марказий банк курсни 14 ва 15 сўм ўртасида пасайтирмоқда. Хусусан, сўм курси 6 октябрда 14,08 сўмга, 13 октябрда 14,14 сўмга, 20 октябрда 14,23 сўмга, 27 октябрда 14,3 сўмга, 3 ноябрда 14,38 сўмга, 10 ноябрда 14,46 сўмга, 17 ноябрда 14,53 сўмга, 24 ноябрда 14,62 сўмга, 1 декабрда 14,69 сўмга, 10 декабрда 14,77 сўмга, 15 декабрда 14,85 сўмга, 22 декабрдан 14,93 сўмга пасайтирилди.

Яъни, агар курс динамикаси ўзгармаса 29 декабрда сўмнинг пасайиши 15 сўмлик психологик даражадан ўтиши зарур.

Йил бошидан бери сўм валютанинг америка долларига нисбатан деярли 15,38% арзонлашди ва йил бошидаги 2422,4 сўмдан 22 декабрда 2794,98 сўмгача тушди.

Эслатиб ўтамизки, 29 сентябрга қадар миллий валюта америка долларига нисбатан ҳафтасига ўртача 5 сўмдан пасаймоқда эди.

Ўзбекистон Марказий банки миллий валюта курсини ҳар сешанба куни белгилайди.