Наманган аэропортида экстремистик материаллар олиб киришга чек қўйилди
Тошкент. 11 август. ЎзТАГ – Наманган аэропортида экстремистик материаллар олиб киришга чек қўйилди, деб хабар қилди ЎзТАГ.
“Наманган (Ўзбекистон шарқидаги вилоят) аэропорти божхона хизмати ходимлари Ўзбекистонга конфетлар қутисида яширилган хотира карталаридаги экстремистик материалларни олиб киришга уринган мамлакат фуқаросини қўлга олдилар”, - деб маълум қилди РИА Новостига Давлат Божхона қўмитаси вакили.
Унинг сўзларига кўра, шоколад конфетларида 300 ортиқ флеш-карта яширилган бўлган.
“Новосибирскдан учиб келган йўловчилар божхона назоратидан ўтказилаётган вақтда, бир йўловчининг қўл юкида 300дан ортиқ хотира карталари яширинган шоколадли конфет қутилари аниқланган”, - деб аниқлаштирди агентлик суҳбатдоши.
Божхоначиларнинг тушунтиришларига кўра, аэропортда амалга оширилган тафтиш электрон ташувчиларда диний маърузалар, шунингдек, “ислом ҳалифати” ташкил этилишига даъват қилганлигини кўрсатди.
Ушбу ҳолат юзасидан жиноий иши қўзғатилиб, тергов олиб борилмоқда.
Эслатиб ўтамизки, Ўзбекистонда доимий равишда экстремистик материалларни олиб киришга уриниш фактлари аниқланади. Расмий маълумотларга кўра, 2015 йилда божхоначилар ва республикадаги бошқа ҳуқуқни муҳофаза қилиш органлари ходимлари юк олиб ўтишга доир 1,2 мингдан ортиқ қоида бузилишларини қайд этишган, 50 мингдан ортиқ диний экстремистик материаллар ноқонуний равишда олиб ўтилишига чек қўйишган.
ДБҚ ходимлари маълумотига кўра, ахборот технологиялари ривожланиши баробарида мобил телефонлар, ноутбуклар ва бошқа электрон қурилмалар ёрдамида диний адабиётлар, фото ва видеоматериалларни олиб ўтишга уриниш ҳолатлари кўпайди.
