Наманган коллежи ўқувчилари зилзила ҳолатида ҳаракатларни ўргандилар
Наманган. 16 май. ЎзТАГ – Наманган Миллий хунармандчилик ва хизмат кўрсатиш касб-хунар коллежининг ўқитувчи ва ўқувчиларини жалб этган ҳолда “Фуқаро муҳофазаси куни” тадбири ўтказилди. Унда коллеж ўқувчи ва ўқитувчилари зилзилада ҳаракатланиш қоидаларини ўргандилар, деб хабар беради Ўзбек телеграф агентлиги (ЎзТАГ).
Шунингдек, тадбирда улар томонидан коллеж биносидан эвакуация тадбирларини амалга ошириш, жабрланганларга биринчи тиббий ёрдам кўрсатиш ишларини амалий тарзда кўрсатиш уқувлари намойиш этилди.
Тадбирда жами коллежнинг 475 ўқитувчи ва ўқувчилари қатнашдилар.
Тренинг Наманган вилояти ФВБ ходимлари томонидан шахсий таркиб ва махсус теника жалб этилган ҳолда ташкил қилинди. Ўқувлар вилоят ҳокими буйруғига асосан ўтказилди.
ФВВ маълумотларига кўра, коллеж ўқитувчига Наманган вилояти ФВБ Қутқарув отрядининг асбоб-анжомлари кўргазмали тарзда намойиш этилиб, бу борада тушунтириш ишлари амалга оширилди.
