Наманган вилоятида газбуғ электростанцияси лойиаси амалга оширилмоқда
Наманган. 5 феврал. ЎзТАГ – Наманган вилоятининг Тўрақўрғон туманида умумий қуввати 900 МВт бўлган янги буғ-газ электр станцияси барпо этишга тайёргарлик доирасида тендеролди конференцияси бўлиб ўтди, деб хабар беради Ўзбек телеграф агентлиги (ЎзТАГ).
“Ўзбекэнерго” компаниясидан хабар қилишларича, электростанция ҳар бири 450 МВт қувватга эга иккита буғ-газ қурилмасидан иборат умумий қуввати 900 МВт бўлган янги буғ-газ электр станциясидан иборат бўлади. Бу станциянинг фойдали иш коэффицентини 60 фоизгача таъминлаш, ёқилғи истеъмолини фаолият кўрсатаётган қувватларга нисбатан қарийб 2 баробар камайтириш имконини беради.
$1,2 млрдлик мазкур лойиҳа Япония халқаро ҳамкорлик агентлиги (JICA), Ўзбекистон Республикасининг Тикланиш ва тараққиёт жамғармаси, “Ўзбекэнерго” акциядорлик жамияти ва республика бюджети томонидан молиялаштирилади.
Айни пайтда туманнинг Шоҳидон қишлоғи ҳудудидан ажратилган 94 гектардан зиёд майдонда текислаш ишлари, йўл-коммуникация инфратузилмасини яратиш, маъмурият биноси ва ёрдамчи хўжалик иншоотлари, ишчи-хизматчи ва мутахассислар учун кўп қаватли турар-жойлар қуриш ишлари изчил давом эттирилмоқда.
Энергоблокларни монтаж қилиш ишлари шу йилнинг сентябрь ойида бошланиши кўзда тутилган. Тендер ғолиби номи марта маълум бўлади.
