Наманган вилоятининг Чуст шаҳрида ёнғин натижасида икки қаватли уй қисман бузилди
Дата: 19:53, 01-04-2015.
Чуст. 1 апрел. ЎзТАГ - Наманган вилоятининг Чуст шаҳрида ёнғин натижасида икки қаватли уй қисман бузилди, дея хабар беради Ўзбек телеграф агентлиги (ЎзТАГ).
Фавқулодда вазиятлар вазирлиги маълумотларига кўра, “ёнғин хонадонлардан бирида йиғилган маиший газнинг ёниб кетиши натижасида юзага келган”. Натижада “Уйнинг қурилиш конструкциялари ёниб кетди. Ёнғин оқибатларини бартараф қилиш ишлари доирасида воқеа жойидан шу ерда истиқомат қилувчи аёллардан бирининг жасади олиб чиқилди. Воқеа натижасида уйда истиқомат қилувчилардан уч киши тан жароҳати олди ва шифохонага ётқизилди”, - дейилади хабарда.
Ҳозирда ёнғиндан қолган буюмларни тозалаш ишлари олиб борилмоқда.
