Наримон Умаров Тошкент аҳолисига ипотека кредитлари шартларини яхшилашга ваъда берди
Тошкент. 11 ноябр. ЎзТАГ – Ўзбекистон “Адолат” социал-демократик партиясидан Ўзбекистон Республикаси Президентлигига номзод Наримон Умаров Тошкент аҳолисига ипотека кредитлари шартларини яхшилашга ваъда берди, деб хабар беради Ўзбек телеграф агентлиги (ЎзТАГ).
“Хусусан, аҳолининг талаб ва эҳтиёжларидан келиб чиқиб уй-жой сотиб олиш ва қуриш учун ажратилаётган ипотека кредитлаш жараёнини такомиллаштириш ва фоизларини оптималлаштириш, уй-жой бозоридаги фирибгарликлар учун жавобгарликни ва назоратни кучайтириш, уй-жой-коммунал комплекси ишини янада яхшилаш, аҳоли учун белгиланаётган коммунал тўловлар миқдорини доимий назоратда тутиш, бу соҳаларда аҳолига хизмат кўрсатадиган муқобил ташкилотлар ўртасидаги рақобатни оширишга қаратилган саъй-ҳаракатларни амалга оширилади”, - дейилади партия матбуот хизматининг хабарида.
Шу билан бирга, пойтахтимизда бунёд этилаётган замонавий уй-жойларнинг лойиҳасини ишлаб чиқишда уларга инновацион, энергия тежамкор технологияларни жорий этиш ҳамда муқобил энергия манбаларидан кенг фойдаланишга эътибор қаратиш лозимлигини таъкидланди.
Эслатиб ўтамизки, Н.Умаров 10 ноябр куни Тошкент сайловчилари билан учрашди.
