Наримон Умаров Ўзбекистоннинг ичида инвестиция ва молия ресурслари топишга чақирди
Тошкент. 16 ноябр. ЎзТАГ – Ўзбекистон “Адолат” социал-демократик партиясидан Ўзбекистон Республикаси Президентлигига номзод Наримон Умаров Ўзбекистоннинг ичида инвестиция ва молия ресурслари топишга чақирди, деб хабар беради Ўзбек телеграф агентлиги (ЎзТАГ).
Ушбу чақирув Гулистондаги “Ёшлар маркази” йиғилишлар залида янгради.
“Номзод молия бозорига аҳоли, кичик бизнес ва хусусий тадбиркорлик субъектлари маблағларининг фаол жалб қилиниши борасида ҳали ишлатилмаган кенг имкониятлар, ечимини кутаётган вазифалар мавжуд эканлигига эътибор қаратиб, уларнинг ҳал этилиши иқтисодиётимизни ривожлантириш учун қўшимча инвестициялар ва молиявий ресурсларни жалб қилиш имкониятини беришини таъкидлади. Бу ўз кучимизга таяниб ривожланишимизга, келажакда кичик бизнес ва хусусий тадбиркорликнинг мамлакат ва минтақавий дастурларда янада фаолроқ қатнашишига имкон беради”, - дейилади партия матбуот хизмати хабарида.
