НАТО Ўзбекистон ҚК офицерлари учун янги дастурни амалга оширмоқда
Тошкент. 29 июл. ЎзТАГ – Шимолий Атлантика альянси (НАТО) Ўзбекистон Қуролли кучлари офицерлари учун инглиз тилига ўргатиш бўйича янги дастурни амалга оширишни бошлади, деб хабар беради Ўзбек телеграф агентлиги (ЎзТАГ).
“Ўзбек офицерлари учун инглиз тили бўйича янги курс кейинги ҳафтада Тошкентда бошланади. Танлов асосида ажратиб олинган ўн беш номзодлар олти ойлик тажриба дастурида қатнашиб, дастурда ҳарбий ибораларга асосий эътибор қаратилади”, – деб таъкидлашди НАТО матбуот хизматида.
“Қирғизистонда синовдан ўтган илғор тажрибаларга асосланган ушбу дастур ўзбек офицерларининг инглиз тили бўйича билимларини оширишга қаратилган. Бу Ўзбекистонга НАТО ҳамкорлари ва бошқа халқаро ташкилотлар билан ҳарбий ҳамкорликда фаолроқ иштирок этишга имкон беради”, – деди альянснинг Марказий Осиё мамлакатлари билан алоқалар бўйича вакили Александр Винников.
