“Навоий” ЭСИҲдаги “UzEraeCable” ҚКси 39 турдаги кабел ишлаб чиқаришни ўзлаштирди

Тошкент. 20 июн. ЎзТАГ – “Навоий” Эркин саноат иқтисодий ҳудудидаги “UzEraeCable” Ўзбек-Жанубий Корея қўшма корхонаси автомобиллар учун 39 хилдаги кабел ва ўтказгичлар ишлаб чиқаришни ўзлаштирди, дея хабар беради Ўзбек телеграф агентлиги (ЎзТАГ).
Корхонанинг ялпи қуввати йилига 130 минг км турли кабелларни ишлаб чиқаришга етади. 2014 йилнинг беш ойида бу ерда 47 минг км маҳсулот ишлаб чиқарилди.
Локализация дастури доирасида бу ерда “Chevrolet Соbalt” автомобиллари учун
аккумулятор жгутлари ишлаб чиқариш ўзлаштирилди.
Эслатиб ўтамизки, “Навоий” Эркин саноат иқтисодий ҳудуди 2008 йил декабрда ташкил этилган. Бу ерда Корея Республикаси, Ҳиндистон, Хитой, Сингапур сармоялари иштирокида ҚК фолияти йўлга қўйилган.
“UzEraeCable” ҚКси 2009 йилда ташкил этилган бўлиб, “GM-Uzbekistan”, “SamAuto”, “UzKoje” компаниялари учун маҳсулотлар ишлаб чиқаради.