Навоий вилоятига янги прокурор тайинланди
Дата: 14:53, 16-05-2016.
Тошкент. 16 май. ЎзТАГ – Абдуқаҳҳор Тўхтабоев Навоий вилоятининг прокурори этиб тайинланди. Бу ҳақида Ўзбекистон Бош прокуратураси матбуот хизмати хабар қилди.
Хабар берилишича, Ўзбекистон Республикаси Конституцияси ва Ўзбекистон Республикасининг “Прокуратура тўғрисида”ги қонунига мувофиқ, мамлакат Бош прокурорининг 2016 йил 12 майдаги буйруғи билан адлия маслаҳатчиси Абдуқаҳҳор Абдусатторович Тўхтабоев беш йил муддатга Навоий вилоят прокурори ва вилоят прокуратураси коллегиясининг раиси этиб тайинланган.
А. Тўхтабоев 2015 йил февралдан бери Навоий вилоятининг прокурори вазифасини бажарувчи бўлиб ишлаб келаётган эди.
