“Норманд тўртлиги” етакчилари Украинада 15 февралдан бошлаб ўт очишни тўхтатишга келишдилар

Тошкент. 12 феврал. ЎзТАГ – “Норманд тўртлиги” етакчилари Минскдаги музокараларда Украинада 15 февралдан бошлаб ўт очишни тўхтатишга келишдилар, деб хабар қилади ТАСС.

“Менимча, кўп нарса ҳақида келишилди. Биринчиси – 15 феврал ярим тундан (00:00) бошлаб ўт очишни тўхтатишга келишилди”, - деди Россия президенти Владимир Путин журналистларга 16-соатлик музокаралардан кейин.

Россия президенти муҳим деб ҳисоблайдиган иккинчи позиция – оғир қуролларнинг “украина қўшинларининг бугунги линияси ва Донбасс айирмачиларининг ўтган йил 19 сентябрдаги Минск келишувларида белгиланган линиядан” олиб кетиш ҳақидаги келушув бўлди.

В.Путиннинг сўзларига кўра, музокараларда Донбасс айирмачилари билан келишув бўйича чегара масалаларини ҳал қилиш, гуманитар масалалар, Донецк ва Луганск ҳудудларининг алоҳида мақоми ҳақида олдин қабул қилинган қарорни амалга киритиш ва иқтисоидий ва гуманитар характердаги бутун бир масалалар юзасидан келишувларга келинган.

Донбассда узоқ муддатли сиёсий ислоҳотлар, ҳусусан, ҳудуд аҳолисининг қонуний ҳуқуқларини ҳисобга олувчи конституцион ислоҳотни кўзда тутади. Шунингдек, В.Путиннинг сўзларига кўра, “узоқ мудатли сиёсий идора” билан боғлиқ кенг кўламли масалалар ҳам ҳал этилган.

“Бу ерда бир неча жиҳат бор. Улардан биринчиси – конституцион ислоҳот. Унда Донбасс ҳудудида истиқомат қилувчи аҳолининг қонуний ҳуқуқларини ҳисобга олиниши керак”, - деди В.Путин.

РФ раҳбарининг сўзларига кўра, музокаралар якунлари бўйича икки хужжат имзоланган.

“Ҳозиргина Минск контакт гуруҳининг хужжати имзоланди, у Минск келишувларини имплементация қилишга йўналтирилган комплекс чоралар, ёки шунга ўхшаш нима, деб аталади”, деди В.Путин.

“Иккинчи хужжат – имзоланмайдиган келишув бўлиб, бу Франция президенти, Украина президенти, каминаи камтарин ва ГФР канцлерининг биз ушбу жараённи қўллаб-қувватлашимиз ҳақидаги баёнотларидир”, - деб қўшимча қилди у.

В.Путин Украинада қарама-қарши турган кучларни қон тўкишни иложи борича эртароқ тўхтатишга чақирди.

“Низолашаётган томонларни иложи борича тезроқ қон тўкишни тўхтатиш ва узоқ муддатли реал сиёсий идора қилиш жараёнига ўтишга чақираман”, - деб баён қилди россия етакчиси.

Хабар қилинишича, “Минск келишувларини бажариш бўйича коплекс чоралар” 13 банддан иборат бўлиб, уларнинг биринчиси “Украинанинг Донецк ва Луганск вилоятларининг айрим туманларида 2015 йил 15 феврал соат 00:00дан бошлаб ўт очишни шошилинч тўхтатиш ва унга қатъий амал қилиш”ни кўзда тутади.

Эслатиб ўтамизки, Россия, Германия, Франция ва Украина етакчилари музокаралари ўтган чоршанба куни бошланиб, жами 16 соат давом этди. Кейинги соатларда музокараларга ЕХҲТ раисининг Украинадаги вазиятни йўлга солиш бўйича махсус Хайди Тальявини қўшилди.

Музокараларга 500 ошиқ журналистлар аккредитация қилинган эди. ТАССнинг хабарига кўра, уларнинг бир қисми Мустақиллик саройи биносини кечаси тарк этди, лекин эрталаб, тўлиқ таркибда қайтиб келди. Хориждан келган журналистлар Саройда деярли тик оёқда турган ҳолда уйқусиз тунни ўтказганлар. Биринчи қаватдаги матбуот учун ғамланган емаклар ва ичимликлар заҳираси тугаб қолди.

Айни пайтда барча мухбирлар учун уйқусиз тун осон кечгани йўқ. Ҳолдан кетиб қолган журналист қизлардан бирини “Тез ёрдам” машинаси олиб кетган.