Новосибирскда ўз ватанида одам савдосида айбланаётган ўзбекистонлик қўлга олинди
Тошкент. 10 июль. ЎзТАГ - Новосибирскда ўз ватанида одам савдосида айбланувчи ўзбекистонлик қўлга олинди, дея хабар беради Ўзбек телеграф агентлиги (ЎзТАГ).
"Толмачево аэропортида Россия ички ишлар вазирлигининг йўналиш бўлими ходимлари ушбу мамлакатда давлатлараро қидирувда бўлган фуқарони топиш ва ҳибсга олишда Ўзбекистон ички ишлар органларига ёрдам кўрсатдилар. Тошкент шаҳрида ушланган шахсга нисбатан Ўзбекистон Республикаси Жиноят кодексининг 135-моддасида (одам савдоси) бўйича жиноят иши қўзғатилган. Гумонланувчи тергов органларидан бекинган ва халқаро тергов эълон қилинган. Транспорт полицияси ходимлари Россия ҳудудидан қидирилаётганлиги ҳақида маълумот олди ва А.И.Покришкин номидаги Новосибирск халқаро аэропортида (Толмачево) Якутск рейсига рўйхатдан ўтаётганда уни қўлга олди", - дейилади Россия ички ишлар вазирлигининг Сибир федерал округидаги транспорт бошқармаси матбуот хизмати хабарида.
Ўзбекистон Республикаси ИИВ терговчилари кўра, қидирувда бўлган 32 ёшли эркак Ўзбекистонда одам савдоси бўйича жиноий иш фигуранти ҳисобланади, у одам ўғирлаш, шунингдек, “айбдорга моддий ёки бошқа жиҳатдан қарам бўлган шахсга нисбатан” зўравонлик, таҳдид ҳамда бошқа турдаги зўрлик қўллаш мақсадида ташкил қилинган тўдада иштирок этишда айбланмоқда. Одам савдоси қурбонлари Ўзбекистон чегараси орқали чет элда сақланган. Уларнинг ҳужжатлари йуқ қилинган ёки шахсни тасдиқловчи сохта гувоҳномалар ишлатилган.
"Новосибирск туман темирйўл туман суди қамоққа олиш тарзидаги эҳтиёт чорасини танлади. Айни пайтда ҳуқуқ-тартибот идоралари ходимлари судланувчини ватанига эксрадация қилиш ва уни қидирув ташаббускорига топшириш учун ҳужжатларни тайёрламоқда", - деб якунланади хабар.
Сурат манбаи: ria.ru
