Ноябрда ЎзРТХБ қиймати 823,8 млрд сўмлик битимлар тузилди

Тошкент. 3 декабр. ЎзТАГ – 2015 йил ноябрда Ўзбек Республика товар хом-ашё биржасида (ЎзРТХБ) қиймати 823,8 млрд сўмлик битимлар тузилди ва бу 2014 йил ноябридагидан 4% кўпдир, деб хабар беради Ўзбек телеграф агентлиги (ЎзТАГ).
Биржадан хабар беришларича, биржа савдоларининг – “D-xarid” давлат харидлари тизимида ижобий ўсиш қайд этилди. Биржа бозорларида 2014 йилнинг шу даврига нисбатан 11% кўп, яъни 635,7 млрд сўмлик маҳсулотлар сотилди (+11%). Бу жараёнда бир қатор ўзгаришлар кузатилди. Хусусан, полиэтилен маҳсулотлари сотиш ҳажми 8%дан 14%га ошди. Бунга қарши ўлароқ, суюлтирилган газ ва рангли металлнинг умумий улуши эса 23%дан 16%гача камайди. Энг юқори натижалар қурилиш ва озиқ-овқат маҳсулотларида қайд этилиб, уларнинг умумий савдо ҳажмидаги улуши 23% ва 19% ташкил этди.
Валюта савдо платформасида  $1,8 млнга тенг маҳсулот сотилди. Ярмарка савдоларида 107,9 млрд сўмлик битимлар тузилди, давлат харидлари бўйича битимлар ҳажми 50,3 млрд сўмга етди (2014 йил ноябрда – 44,4 млрд сўм). Натижада 11,5 млрд сўм бюджет маблағлари иқтисод қилинди. “Электрон каталог” давлат харидлари тизимида 5,7 млрд сўмлик битимлар тузишга эришилиб, 1,5 млрд сўм бюджет маблағлари тежаб қилинди.