НТМК иккиламчи ресурслардан электроэнергия ишлаб чиқариш лойиҳаси амалга оширилди
Тошкент. 27 июн. ЎзТАГ – Навоий тоғ-металлургия комбинатида (НТМК) иккиламчи ресурслардан электроэнергия ишлаб чиқариш лойиҳаси амалга оширилди, деб хабар беради Ўзбек телеграф агентлиги (ЎзТАГ).
НТМК хабар беришларича, энергосамарадорликни оширишга қаратилган ушбу лойиҳа олтингугурт кислота ишлаб чиқаришда амалга оширилди. Босимга қарши газбуғ турбинасини ишга тушириш Шимолий Руда бошқармасида бўлиб ўтди.
Бугунга қадар қўлланаётган олтингугурт кислота ишлаб чиқариш технологияси қозон томонидан етказиб берилаётган буғдан фойдаланишни кўзда тутади. Эксплуатация жараёнида йилига ошиқча 43 минг Гкал буғ атмосферага чиқарилиб юборилар эди.
Янги лойиҳанинг амалга оширилиши бартараф қилиб бўлмас технологик йўқотишлар иссиқлигидан электр энергия ишлаб чиқаришда фойдаланиш имконини беради. Янги буғ турбинасининг қуввати 6 МВт.
Ушбу газтурбина қурилмаси йилига 40 млн кВт/сдан ортиқ электроэнергия ишлаб чиқаришни кўзда тутади. Бу эса, олтингугурт кислота ишлаб чиқариш сарфланадиган электрик энергиянинг 70% зиёдини қоплашга имкон беради.
