Нью-Йоркда ўзбек боксчиси IBF North American камари учун жангга тушади
Дата: 15:58, 06-02-2015.
Тошкент. 6 феврал. ЎзТАГ – Ўта оғир вазнда (90,7 кгдан ошиқ) WBA NABA USA камари соҳиби Аҳрор Муралимов (16-0-0, 13 KO) 14 февралда Нью-Йоркда ўз титулини ҳимоя қилади, шунингдек, IBF North American камари учун жанг қилади. Ушбу жангда унинг рақиби америкалик боксчи Деррик Росси (29-9, 14 КО) бўлади, деб хабар қилади 12news.uz.
Ҳозирда Муралимов американинг Хьюстон шаҳрида ўзининг менежер ва тренери Кен Ричардсон раҳбарлигида машқ қилмоқда.
Эслатиб ўтамизки, 2014 йилнинг 26 июлида Вашингтон шаҳрида Тошкент вилоятининг Ўрта-Чирчиқ туманидан бўлган 28-ёшли боксчи АҚШ чемпиони Жейсон Бергманни енгиб, NABA USA белбоғи соҳибига айланган эди.
