Оғир атлетика бўйича ўсмирлар ўртасида жаҳон чемпионати КХДРдан Ўзбекистонга кўчирилди
Дата: 17:29, 02-10-2017.
Тошкент. 2 октябр. ЎзТАГ – Оғир атлетика бўйича ўсмирлар ўртасида жаҳон чемпионати КХДРдан Ўзбекистонга кўчирилди, деб хабар беради Ўзбек телеграф агентлиги (ЎзТАГ) Халқаро Оғир атлетика федерацияси (IWF) маълумотига асосланган ҳолда.
Қарор ўтган якшанба Бухарестда якунланган IWF Ижроя қўмитаси йиғилишида қабул қилинган. Турнирнинг нега кўчирилгани маълум қилинмаган.
IWF Ижроя қўмитасида мажлиси якунлари бўйича Россия, Арманистон, Озарбайжон, Беларусь, Қозоғистон, Хитой, Молдова, Туркия, Болгария ва Украина Оғир атлетика федерациялари бир йилга халқаро биринчиликдан четлатилган.
Эслатиб ўтамизки, КХДР жаҳон биринчилигини ўтказиш ҳуқуқини икки йил олдин олган бўлиб, турнир Пхеньянда ўтиши керак эди.
