“O’zMinda” ўзбек-ҳинд ҚК GM Uzbekistanнинг янги модели учун деталлар чиқаришни бошлайди

Тошкент. 11 сентябр. ЎзТАГ – 2015 йил охирига қадар “O’zMinda” ўзбек-ҳинд қўшма корхонаси GM Uzbekistanнинг янги модели Chevrolet Aveo учун деталлар чиқаришни бошлайди, деб хабар беради Ўзбек телеграф агентлиги (ЎзТАГ).

“Компания мутахассислари “С&Т Мотив” Жанубий Корея ширкати билан музокаралар ўтказиб, замонавий ва юқори технологик ишлаб чиқариш линиясини ўрнатиш учун қўшимча инвестиция жалб қилишга келишиб олдилар. Шунингдек, ҚК маҳсулот ҳажмларини кўпайтириб, унинг сифатини оширишни режалаштирмоқда”, – деб таъкидлашди “Ўзавтосаноат” АК матбуот хизматида.

Эслатиб ўтамизки, бугунги кунда корхона Cobalt, Nexia, Damas, Matiz русумидаги автомобиллар учун хавфсизлик тизими қисмлари, хусусан, спидометрлар, эшик тутқичлари, эшик ва ўт олдириш тизими қулфлари ҳамда автомобил соатларини ишлаб чиқармоқда. Корхонанинг йиллик ишлаб чиқариш қуввати 250 минг комплект автомобил таркибий қисмларини ишлаб чиқаришга тенг. 2014 йилда корхона $220 минглик маҳсулотларни экспорт қилган.