ОАВ Шавкат Мирзиёев президент сифатидаги илк сафарини Россияга уюштиришини маълум қилишди
Дата: 00:20, 08-12-2016.
Тошкент. 8 декабр. ЎзТАГ – Шавкат Мирзиёев президент сифатида илк сафарини Россияга уюштиради, деб хабар беради Ўзбек телеграф агентлиги (ЎзТАГ).
“Известия” газетаси Ўзбекистон ҳукуматидаги юқори мартабали манбага асосланган ҳолда Мирзиёевнинг ташрифи келаси йилда лавозимини расман эгаллаганидан сўнг бўлишини маълум қилди.
Шунингдек, хабарда айтилишича, Ўзбекистоннинг тегишли вазирлик ва муассасалари юқоридаги ташрифга тайёргарликни бошлаб юборишган. Айни пайтда президентнинг инаугурацияси янги йилгача бўлиши, ташриф эса қишда ёки баҳорда ўтказилиши ҳам айтиб ўтилган.
Эслатиб ўтамизки, Шавкат Мирзиёев ўтган якшанба куни Ўзбекистонда ўтказилган президент сайловларида 88,61% овоз тўплаб, ғолиб бўлди.
