Одил Аҳмедов футбол бўйича Ўзбекистон термасининг янги сардори этиб тайинланди
Дата: 11:16, 02-09-2015.
Тошкент. 2 сентябр. ЎзТАГ – Футбол бўйича Ўзбекистон термасининг бош тренери Самвел Бабаян яримҳимоячи Одил Аҳмедовни жамоа капитани этиб тайинлади, деб хабар қилади Ўзбек телеграф агентлиги (ЎзТАГ).
“Россиянинг “Краснодар” клубида фаолият олиб бораётган 27 ёшли Одил Аҳмедов Ўзбекистон миллий терма жамоаси таркибида 70та ўйин ўтказиб, 12та гол урган”, – деб таъкидлашди республика Футбол федерацияси матбуот хизматида.
Олдин капитанлик қилган Сервер Жепаров ва Азиз Ҳайдаров иккинчи терма жамоанинг вице-сардори бўлиб терма жамоа шарафини ҳимоя қилади.
Ҳозирда Ўзбекистон миллий терма жамоаси 2018 йилги жаҳон чемпионати саралаш баҳсларига қатнашмоқда. С.Бабаян шогирдлари 3 сентябр куни Яманга қарши учрашув ўтказадилар.
