Одил Аҳмедов РФПЛнинг энг кучли зарбага эга бўлган ўйинчилари рейтингига кирди

Тошкент. 25 декабр. ЎзТАГ – Ўзбекистонлик ярим ҳимоячи, ҳозирда россиянинг “Краснодар” жамоаси ўйинчиси Одил Аҳмедов Россия футбол премъер-лигасининг (РФПЛ) www.championat.com сайти томонидан тузилган энг кучли зарбага эга бўлган ўйинчилари рейтингига кирди, дея хабар беради Ўзбек телеграф агентлиги (ЎзТАГ).

Ушбу веб-сайт маълумотларига кўра, рейтингда “Зенит” хужумчиси Халк етакчилик қилмоқда, кейинги ўринларда москванинг ЦСКА жамоаси ҳимоячиси Сергей Игнашевич (2-ўрин), “Спартак” ярим ҳимоячиси Денис Глушаков (3-), “Краснодар” ярим ҳимоячиси Одил Аҳмедов (4-), “Ростов” ҳимоячи ва ярим ҳимоячиси Виталий Дьяков (5-), “Торпедо” ҳимоячиси Владимир Рыков (6-), “Спартак” хужумчиси Юра Мовсисян (7-), ЦСКА ярим ҳимоячиси Роман Еременко (8-), “Краснодар” ярим ҳимоячиси Жоаозиньо (9-) боришмоқда. Рейтинг ўнлигини эса “Локомотив” хужумчиси Роман Павлюченко якунлаган.

Эслатиб ўтамизки, Одил Аҳмедов Ўзбекистон термасининг кейинги 2 йилдаги етакчи ўйинчисидир.