Октябрда Устюрт газкимё мажмуи қурилиши якунланади
Тошкент. 21 сентябр. ЎзТАГ - Октябрда Устюрт газкимё мажмуи қурилиши якунланиши керак, деб хабар беради Ўзбек телеграф агентлиги (ЎзТАГ).
“Мажмуа октябр ўртасида қуриб битказилади. Объектдаги барча ишлар якунланмоқда ва ходимлар ишга олинмоқда”, - деб иқтибос келтиради ўзбек ОАВ “Ўзбекнефтегаз” МХК ягона техник сиёсат бўлими мутахассиси Санжар Бердиевнинг сўзларидан. Ўзбекистон шимоли-ғарбидаги Устюрт газ-кимё мажмуи Марказий Осиёдаги энг йирик ана шундай корхона бўлади.
Эслатиб ўтамизки, 2008 йил февралида "Ўзбекнефтегаз" компанияси Кореянинг Kor-Uz Gas Chemical Investment консорциуми билан ҳамкорликда Uz-Kor Gas Chemical қўшма корхонасини ташкил этиб, Сургил кони базасида Устюрт газ-кимё комплекси қурилишини бошлаган эдилар.Консорциум таркибига ҳозирда Kogas, Lotte ва STX Energy корпорациялари киради.
Қурилиши 2012 йилда бошланган ГКМ йилига 4,5 млрд кубометр табиий газни қайта ишлаш, 4 млрд кубометр товар гази, 400 минг тонна полиэтилен, 100 минг тонна полипропилен ва 100 минг тонна пиролиз бензин ишлаб чиқариш қувватига эга.
Лойиҳанинг асосий пудратчилари кореянинг Samsung Engineering, GS Engineering ва Hyundai Engineering компанияларидир.
Қиймати $4,16 млрд лойиҳанинг $2,5 млрдлик қисми халқаро молиявий институтлар, $1,41 млрдлик қисми Uz-Kor Gas Chemicalа таъсисчилари, $100 млнлик қисми эса Ўзбекистон тикланиш ва тараққиёт фонди томонидан молиялаштирилмоқда.
