Ольга Забелинская велотрек бўйича Осиё чемпиони унвонига сазовор бўлди
Дата: 16:39, 21-10-2019.
Тошкент. 21 октябрь. ЎзТАГ – Ўзбек спортчиси Ольга Забелинская велоспорт бўйича Осиё чемпиони унвонига сазовор бўлди, дея хабар беради Ўзбек телеграф агентлиги (ЎзТАГ).
Чинчхон шаҳрида (Жанубий Корея) велотрек бўйича Осиё чемпионати бўлиб ўтмоқда. Аёллар ўртасида очколар бўйича гуруҳ мусобақаси йўналишида О.Забелинская (32 очко) Осиё чемпиони унвонига сазовор бўлди", - дейилади Миллий Олимпия қўмитаси матбуот хизмати хабарида.
Қайд этилганидек, "кумуш"ни Жанубий кореялик спортчи А. На (28 балл), Гонконг вакили Б. Леунг (26 балл) эса" бронза"ни қўлга киритди.
Сурат манбаи: olympic.uz
