“Олмалиқ” футзал бўйича клублар ўртасида Осиё чемпионатининг яримфиналига ўта олмади

Тошкент. 21 июл. ЎзТАГ – “Олмалиқ” футбол клуби футзал бўйича клублар ўртасида Осиё чемпионатининг яримфиналига ўта олмади, деб хабар беради Ўзбек телеграф агентлиги (ЎзТАГ).

“Чоракфиналда Ўзбекистон вакиллари таиланднинг “Чонбури Блувейв” клубига 1:4 ҳисобида бой бердилар. Қизиғи, ўйин ҳисобини “Олмалиқ” футзалчилари очишдилар. Жамолиддин Шарипов биринчи дақиқадаёқ рақиб дарвозабонини дарвозадан тўп олиб чиқишга мажбур қилди”, – деб таъкидлашди клуб матбуот хизматида.

Аммо кейинчалик ўзбек жамоаси ўз устунлигини ривожлантира олмади. Биринчи тайм охирига бориб мезбонлар уч марта “Олмалиқ” дарвозасини ишғол қилишди. Натижада ҳисоб 1:4га айланди.

Яримфиналда “Чонбури Блувейв” ироқнинг “Нафит Ал-Васат” клуби билан ўйнайди. Яна бир финалчи “Дибба Ал-Ҳисн” (БАА) ва “Нагоя Оушенс” (Япония) жуфтлиги орасидан маълум бўлади.