Олмотада Ўзбекистон фуқароси икки болани ўлдиришда гумон қилиниб қўлга олинди
Тошкент. 13 сентябр. ЎзТАГ – Олмотада икки болани ўлдиришда гумон қилинган шахс қўлга олинди, деб хабар беради Қозоқ телеграф агентлиги (КазТАГ) шаҳар ИИД асосланган ҳолда.
“Олмота полицияси иккита болани ўлдиришда гумонланувчини қўлга олди. У болаларнинг онаси билан бирга яшаган 29 ёшли Ўзбекистон фуқароси бўлиб чиқди”, - дейилади сешанба куни тарқатилган хабарда.
“Ҳозирги вақтда жиноятнинг сабаблари ва унинг содир этилиш тафсилотларини аниқлашга қаратилган процессуал ва тергов тадбирлари мажмуаси ўтказилмоқда. Ушбу босқичда эркак ўз айбини тан олмоқда. Дастлабки тергов жараёни доирасида терговнинг тўла, ҳартомонлама ва ҳаққонийлигини таъминлашга ёрдам берадиган тегишли экспертиза ва бошқа тадқиқотлар тайинланади”, - деб кўрсатилади ҳабарда.
Бундан ташқари, шериги билан бирга қўлга олинган болаларнинг онаси ҳам сўроқ қилинмоқда. Бундан олдин аёл бедарак йўқолган сифатида қидирувга берилган эди, деб хабар берди Алмати шаҳар ИИД тергов бўлими бошлиғи подполковник Рустам Абдраҳмонов.
Шунингдек, полиция кундуз фуқаро В.нинг катта боласи қаердалигини аниқлади ва у дарҳол тиббий муассасага текширувга олиб борилди.
Эслатиб ўтамизки, икки боланинг жасадлари Турксиб туманидаги квартираларнинг бирида музлатгичда топилган эди. Ҳозирда “Қотиллик” моддаси бўйича дастлабки тергов ўтказилмоқда. Бундан олдин бу уйни учта фарзанди бор аёл ижарага олгани маълум. Онанинг ва яна бир боланинг қаердалиги маълум қилинмаган.
