“Олтин қалам” танловида иккинчи марта “Чет эллик журналистнинг Ўзбекистон ҳақидаги энг яхши материали учун” номинацияси эълон қилинди

Тошкент. 26 феврал. ЎзТАГ – “Олтин қалам” XIII Миллий танловида иккинчи марта “Чет эллик журналистнинг Ўзбекистон ҳақидаги энг яхши материали учун” рағбатлантирувчи номинацияси эълон қилинди, деб хабар беради Ўзбек телеграф агентлиги (ЎзТАГ).

Конкурс Ўзбекистон Журналистлари ижодий уюшмаси ва Журналистларни қайта тайёрлаш маркази билан ҳамкорликда эълон қилинган. Унинг натижалари анъанага кўра 3-май Жаҳон матбуоти эркинлиги кунида эълон қилинади.

Эслатиб ўтамизки, ўтган йили “Чет эллик журналистнинг Ўзбекистон ҳақидаги энг яхши материали учун” номинациясида “Euronews” канали “Postcards” кўрсатуви муаллифи ва бошловчиси Сеамус Кеарней ғолиб деб топилган эди, шунингдек, Буюк Британиянинг мустақил журналисти Каролина Шарлотта Пинк (Caroline Charlotte Pink), Корея Республикасининг “The Korea Post” журналининг бош муҳаррири Лее Кенг-сека (Lee Kyung-sek) ҳамда Ўзбекистонда аккредитациядан ўтган Хитойнинг “Синхуа” ахборот агентлиги мухбири Ша Датининг (Sha Dati) самарали ишлари юқори баҳоланган.

Сурат манбаи: https://kun.uz/57845970?q=%2F57845970