Opera Miniнинг ўзбекистонлик фойдаланувчилари ойига $700 минг тежаб қолаётганлиги маълум бўлди
Дата: 17:59, 22-07-2014.
Тошкент. 22 июл. ЎзТАГ – Opera Mini браузерининг ўзбекистонлик фойдаланувчилари йил бошидан бери ушбу браузер ёрдамида ойига $700 минг маблағни тежаб қолмоқдалар, дея хабар беради Ўзбек телеграф агентлиги (ЎзТАГ).
Бу тўғрисидаги маълумот ICTNEWS (http://ictnews.uz/2014/07/21/opera) сайтида жойлаштирилган.
“2014 йилнинг олти ойи мобайнида Opera Miniнинг ўзбек фойдаланувчилари мобил интернетда $4,2 млн маблағ тежаб қолдилар”, - дейилади Opera Software компанияси матбуот хизмати хабарида.
Бунга Opera Mini браузерида мавжуд бўлган маълумотларни сиқиш технологияси орқали эришилди. У олинаётган маълумотлар ҳажмини уларнинг бошланғич ҳажмига нисбатан 10% катталигида қилиб сиқади, бу эса мобил интернет харажатларин қисқартириш ҳамда секин уланишда веб-саҳифаларнинг юкланишини тезлаштириш имконини беради.
Opera Mini браузери Android, Apple ва Java тизимларида ишловчи 3 мингдан зиёд қурилмаларда ишлайди.
Яқинда Opera iPhone ва iPad учун Opera Mini браузерини янгилаган эди. Янги браузернинг дизайни ҳамда маълумотларни сиқиш услублари ҳам ўзгартирилган.
Opera Mini браузеини m.opera.com, Apple App Store ёки Google Play дастурлар дўконларидан юклаб олиш мумкин.
