Осиё чемпионатига қадар ўзбек футзалчилари Иордания термаси билан ҳам ўйнайдилар

Тошкент. 25 январ. ЎзТАГ – Футзал бўйича Ўзбекистон термасининг Осиё чемпионати финалига қадар ўйнайдиган яна бир рақиби маълум бўлди, деб хабар беради Ўзбек телеграф агентлиги (ЎзТАГ).

Ўзбекистон Футбол федерациясидан маълум қилишларича, турнир олдидан 6 февралда ўзбек футзалчилари Тошкентда Иордания термаси билан ўйнайдилар. Ушбу ўйин жамоанинг Осиё чемпионати олдидан якуний ўйини бўлади.

Олдин маълум қилингани каби Хосе Мария Мендез шогирдлари Қозоғистон ва Вьетнам термаларига қарши ўртоқлик учрашуви ўтказадилар.

Футзал бўйича Осиё чемпионати Тошкентда 10-21 феврал кунлар бўлиб ўтади. Қуръа натижаларига кўра, Ўзбекистон терма жамоаси "А" гуруҳидан ўрин олган бўлиб, бу ерда Саудия Арабистони, Қирғизистон ҳамда Ливан жамоалари билан беллашади.

Осиё чемпионатининг 5 энг яхши жамоаси жорий йилда Колумбияда бўлиб ўтадиган Жаҳон чемпионатига йўлланмани қўлга киритади.