Осиё футбол конфедерацияси Тошкентда футзал бўйича Осиё чемпионатини ўтказиш муддатларини белгилади
Дата: 14:07, 11-03-2015.
Тошкент. 11 март. ЎзТАГ – Осиё футбол конфедерациясининг Футзал қўмитаси Тошкентда футзал бўйича Осиё чемпионатини ўтказиш муддатларини белгилади, дея хабар беради Ўзбек телеграф агентлиги (ЎзТАГ).
“14-Осиё чемпионати 2016 йилнинг 9-20 феврал кунлари бўлиб ўтади. Тошкент ушбу турнирга икки марта мезбонлик қилган, аммо қитъа биринчилигининг олдинги мусобақалари жаҳон чемпионатининг малака ўйинлари ролини бажармаган эди. Бу сафар Осиё чемпионатининг энг яхши жамоалари Колумбияда бўлиб ўтадиган жаҳон чемпионатининг финал қисмида қатнашиш ҳуқуқини олади”, – деб таъкидлашди республика Футбол федерацияси матбуот хизматида.
