Осиё Кубоги 2015: Миржалол Қосимов миллий терма жамоа бошланғич таркибида икки алмашиш қилди

Тошкент. 22 январ. ЎзТАГ – Ўзбекистон миллий термасининг бош тренери Миржалол Қосимов 2015 йилги Осиё Кубогининг Жанубий Кореяга қарши тошкент вақти билан соат 12.30да бошланган ўйинида миллий терма жамоа бошланғич таркибида икки алмашиш қилди, дея хабар беради Ўзбек телеграф агентлиги (ЎзТАГ).

Футбол федерацияси маълумотларига кўра, Қосимов Жамшид Искандеров ва Жасур Ҳасановларни навбати билан Лутфулла Тураев ва Санжар Турсуновларга алмаштирди.

Қайд этиш зарурки, жароҳат олгани сабабли ўйинга ҳимоячи Ислом Тўхтахожаев киритилмади.

Ўйинда Ўзбекистон миллий термаси таркибида ҳозир Игнатий Нестеров, Шавкат Муллажонов, Анзур Исмоилов, Шуҳрат Муҳаммадиев, Виталий Денисов, Азиз Хайдаров, Одил Аҳмедов, Сардор Рашидов, Санжар Турсунов, Лутфулла Тўраев, Баҳодир Насимовлар тушишди. Заҳира ўйинчилари орасида Элдорбек Суюнов, Акбар Тўраев, Егор Кримец, Акмал Шораҳмедов, Фарруҳ Сайфиев, Тимур Кападзе, Жамшид Искандаров, Сервер Жепаров, Жасур Ҳасанов, Воҳид Шодиев, Игорь Сергеевлар бор.

Эсмлатиб ўтамизки, ўйин ҳозирда Мельбурндаги “Rectangular Stadium”да (Тўғрибурчак стадион) бўлиб ўтмоқда.

Маълумот ўрнида, қитъанинг 16-биринчилиги 9-31 январ кунлари Австралиянинг Сидней, Ньюкасл, Брисбен, Канберра ва Мельбурн шаҳарларида бўлиб ўтмоқда.