Осиё Кубоги 2015: Ушбу турнирда Ўзбекистон Жанубий Кореяга қараганда кўп тўп урмоқда, лекин корейс термаси ишончлироқ ўйнамоқда

Ташкент. 20 января. УзТАГ – Ушбу турнирда Ўзбекистон Жанубий Кореяга қараганда кўп тўп урмоқда, лекин корейс термаси ишончлироқ ўйнамоқда, дея хабар беради Ўзбек телеграф агентлиги (ЎзТАГ) Австралиядаги 2015 йилги Осиё Кубоги чоракфинал ўйинидан икки кун олдин.

“В” гуруҳида ўзбек футболчилари Шимолий Корея устидан ғалаба қилдилар, Хитойга ютқизиб, Саудия Арабистонидан устун келдилар. Ушбу ўйинларда жамоа 5 гол урди ва 3 ўтказиб юборди. Ўз навбатида, “А” гуруҳида ўйнаётган Жанубий Корея барча ўйинларни 1:0 ҳисобида енгди, яъни 3 гол уриб, тўп ўтказгани йўқ.

Шимолий Корея билан ўйинда Сервер Жепаров чап қонотдан етказиб берган тўпни хужумчи Игорь Сергеев корейс дарвозасининг ўнг бурчагига усталик билан жойлаб қўйди. Хитой билан бўлган ўйинда ҳали жароҳатдан ўзига келмаган Одил Аҳмедов биринчи таймда рақибни алдаб ўтиб, узоқ мусофадан кучли зарба йўллади. Тўғри, кейин ўзбекистонликлар икки тўп ўтказиб юбордилар... Саудия Арабистони билан кечган ўйинда 2-дақиқадаёқ хужумчи Сардор Рашидов ўткир бурчакдан тўп тепиб, рақиб дарвозабони оёқлари орасидан гол урди.

Буларнинг бари нимадан дарак бермоқда?

Сергеевнинг голида ҳам, Рашидов томонидан киритилган голда ҳам қанот ёки марказдан ажойиб тўп етказиб берилган эди. Бу жамоада қанотлардан тўп етказиб бера олувчи малакали ўйинчилар борлигидан далолат беради. Биринчи ҳолатда ўзбек футбочилари боши билан яхши ўйнайдилар, дейиш мумкин. Иккинчи ҳолда хужумда тўпни эгаллаб, уни ўйнатиб, рақиб дарвозасига зарба йўллай олувчи ўйинчилар борлигини англатади.

Шу ўринда саудияликлар билан бўлган ўйиндаги ўзбек футболчисининг боши билан берган зарбасини эслайдиган бўлсак, Ўзбекистоннинг кучли томони юқорида олисдан етказиладиган паслар ва “иккинчи қаватдаги” моҳирона ўйин, деган хулосага келиш мумкин.

Агар Аҳмедовнинг голини эслайдиган бўлсак, хитой ўйинчисидан рикошетни ҳисобга олганда ҳам ўзбек термасида кучли марказий линия борлигини тан олиш керак. Лекин бунда россиянинг “Краснодар” клуби яримҳимоячиси яхши жисмоний формада бўлиши талаб қилинади.

Жанубий Корея термаси гуруҳ босқичида Уммон билан ўйинда фақат 45 дақиқада корейсларнинг ўйин давомида ўта концентрациясидан дарак беради. Қизиғи, ўйинда корейслар уммонликлар дарвозасига 15 марта зарба бериб, 6 марта тўсинга текканлар. Уларнинг кўпини голли вазият дейиш мумкин. Иккинчи ўйинда корейслар 36-дақиқада гол урдилар, ўйинда ҳам устунлик қилдилар. Фақат Австралия билан ўйинда корейс футболчилари устунлик қилмадилар ва 32-дақиқада тўп киритиб, зўрға натижани сақлаб қолдилар.

Ҳар доимгидай, корейслар биринчи таймни яхши ўтказадилар, лекин иккинчи таймда бир оз бўшашадилар, ўйин охирида эса бутунлай ҳолдан кетадилар.

Шунинг учун ҳам Миржалол Қосимов шогирдлари улар билан биринчи таймда ўта эҳтиёткорлик билан ўйнашлари зарур. Иккинчи таймда эса тезкорликни ошириб, прессинг қилишлари лозим. Айнан шунда ўзбек футболчилари муваффақиятга эришишлари мумкин. Буни Ўзбекистон термасининг бош тренери яхши билади. Демак, энг қийини – ушбу билимни голларга айлантириш қолди.

Ўзбекистон ва Жанубий Корея термалари ўртасидаги ўйин 22 январда Тошкент соати билан 12.30да бўлади.

Эслатиб ўтамизки, қитъанинг 16-биринчилиги 9-31 январ кунлари Австралиянинг Сидней, Ньюкасл, Брисбен, Канберра ва Мельбурн шаҳарларида бўлиб ўтмоқда.