ОТБ Ўзбекистон билан мактабларни қуриш ва реконструкция қилиш масалалари бўйича маслаҳат беради
Тошкент. 19 декабрь. ЎзТАГ – Осиё тараққиёт банки (ОТБ) мактабларни қуриш ва реконструкция қилиш масалалари бўйича Ўзбекистонга маслаҳат беради, деб хабар беради Ўзбек телеграф агентлиги (ЎзТАГ).
"Халқ таълими вазири Шерзод Шерматов ва ОТБнинг Ўзбекистондаги доимий ваколатхонаси директори ўринбосари Энрико Пинали Тошкент шаҳар Сергели туманида умумтаълим мактабларини қуриш ва реконструкция қилишга кўмаклашиш мақсадида давлат-хусусий шериклик (ДХШ) бўйича маслаҳат хизматлари кўрсатиш тўғрисидаги битимни имзоладилар",-дея хабар қилади Халқ таълими вазирлиги (ХТВ) матбуот хизмати хабарида.
Лойиҳанинг мақсади Тошкент шаҳар Сергели туманида еттита умумтаълим мактабини қуриш, олтита умумтаълим мактабини таъмирлаш ва битта умумтаълим мактабини реконструкция қилишдан иборат.
"ОТБ ХТВ учун битим бўйича маслаҳатчи бўлиб хизмат қилади ва объектларни бошқариш ва сақлашга ёрдам берадиган хусусий шерикни танлашда ёрдам беради, таълим хизматлари эса давлат сектори томонидан таъминланади", – дейилади хабарда.
Сурат манбаи: uzedu.uz
