ОТБ Ўзбекистон тўқимачилик саноати учун мутахассислар тайёрлашга ёрдам беради
Тошкент. 29 май. ЎзТАГ – Осиё тараққиёт банки (ОТБ) Ўзбекистон тўқимачилик саноати учун мутахассислар тайёрлашга ёрдам беради, деб хабар беради Ўзбек телеграф агентлиги (ЎзТАГ).
“Ўзтўқимачиликсаноат" уюшмаси маълумотларига кўра, 27 май куни Тошкент шаҳрида ОТБнинг ижтимоий соҳа бўйича катта мутахассиси Шин Лонг бошчилигидаги ваколатхонаси билан учрашув бўлиб ўтди.
"Ҳозир ОТБ Ўзбекистон билан 2020-2022 йилларга мўлжалланган ҳамкорлик дастурини тайёрламоқда. Томонлар таълим соҳасидаги лойиҳалар, жумладан, республиканинг чекка ҳудудларида тўқимачилик соҳасидаги лойиҳаларни муҳокама қилдилар. Учрашувда таълим сифатини яхшилаш бўйича ҳамкорлик масалалари кўриб чиқилди. Шу билан бирга, уюшма ва ОТБ ўртасидаги истиқболли икки томонлама ҳамкорлик масалалари муҳокама қилинди", - дейилади уюшма матбуот хизмати хабарида.
Таъкидланишича, Ўзбекистон томонидан республика тўқимачилик ва тикувчилик-трикотаж саноатининг тақдимотлари, шунингдек, маҳаллий ишлаб чиқарувчиларнинг салоҳияти ва Ўзбекистонда бизнесни жорий этиш истиқболлари атрофлича тақдим этилган.
"Учрашув якунида ОТБ билан таълим сифатини, шу жумладан, республиканинг чекка ҳудудларида тўқимачилик тармоғини яхшилаш учун кредит ажратиш тўғрисида дастлабки келишувларга эришилди", - дейилади хабарда.
Шу билан бирга, ОТБ ушбу лойиҳани амалга оширишни бошланишидан олдин мониторинг ўтказади ва Ўзбекистоннинг тўқимачилик тармоғи учун қандай кадрлар кераклиги ўрганилади.
Сурат манбаи: uztextile.uz
