ОТМК ўзбек корхонаси рух ишлаб чиқаришда янги технологияларни жорий этмоқда
Тошкент. 27 июн. ЎзТАГ – Олмалиқ тоғ-металлургия комбинатида реконструкция давом этмоқда, деб хабар беради Ўзбек телеграф агентлиги (ЎзТАГ).
ОТМК хабар қилишларича, реконструкция ишлаб чиқариш ҳажмларини ошириш ва рақобатбардош маҳсулотларнинг янги турларини ишлаб чиқаришни кенгайтиришга йўналтирилган.
Лойиҳа билан электролит цехининг катод-эритиш бўлимида иккита янги автоматлашган печларни қуриш режалаштирилган. Улар қатор қулайликларга эга бўлиб, жараённинг барча кўрсаткичлари дисплейга чиқариб беради, бу эса рух олиш жараёнининг технологик режимини назорат қилишни анча соддалаштиради.
Рухли қоришмаларнинг эриш жараёнига суюқ металлни ўтказиб олиш насоси ва пропеллер (аралаштиргич) каби печнинг мустақил иншоотлари ҳам катта рол ўйнайди.
Бундан ташқари, ўрнатилган механизмлар тайёр маҳсулотни автоматик тахлаш ва боғлашга имкон беради.
Янги печкаларнинг ишга туширилиши металл рухни эритиш қувватини йилига 80 минг тоннагача ошириш, энергоресурслар сарфини камайтиришга имкон беради.
