Ҳозирча немислар гуруҳдаги энг кучли жамоа – Равшан Хайдаров

Тошкент. 11 феврал. ЎзТАГ – Ўзбекистон ёшлар термасининг бош мураббийси Равшан Хайдаров Янги Зеландиядаги жаҳон чемпионати қуръа ташлаш якунлари ҳақидаги фикрлари билан ўртоқлашди, дея хабар беради Ўзбек телеграф агентлиги (ЎзТАГ).

“Қуръа натижаларидан норози эмасман. Биз Европа чемпиони – Германия билан бир гуруҳга тушиб қолдик. Ҳозирча немислар гуруҳдаги энг кучли жамоа. Қолган уч жамоалар, менинг фикримча, гуруҳдан чиқиш учун тенг имкониятларга эга. Ўйлайманки, Гондурасга қарши биринчи ўйин оддий кечмайди. Бундай катта турнирларни бошлаш жуда қийин кечади. Аммо кучли жисмоний ва психологик тайёргарлик бизга интилган натижамизга етишимизда ёрдам беради, деб ўйлайман”, – деб таъкидлади Равшан Хайдаров.

Эслатиб ўтамизки, Ўзбекистон термаси чемпионатнинг “F” гуруҳига тушди. Бу гуруҳда у Германия, Гондурас ва Фиджи термалари билан беллашади.