Қозоғистон ва Ўзбекистон Орол денгизининг сув ресурсларидан оқилона фойдаланиш бўйича биргаликда иш олиб боришни режалаштирмоқда
Тошкент. 28 сентябр. ЎзТАГ – Қозоғистон ва Ўзбекистон Орол денгизининг сув ресурсларидан оқилона фойдаланиш бўйича биргаликда иш олиб боришни режалаштирмоқда, деб хабар қилади КазТАГ ҚР Парламентини матбуот хизматига асосланган ҳолда.
Хабарда кўрсатилишича, 25-27 сентябр кунлари Сенат раиси Касим-Жомарт Токаев Ўзбекистон Республикасига расмий ташриф буюриб, ушбу мамлакат президенти Шавкат Мирзиёев билан учрашди, Ўзбекистон парламентининг иккала палатаси раҳбарлари билан музокаралар ўтказди.
“Касим-Жомарт Токаев Ўзбекистон раҳбари билан суҳбатда Қозоғистон-Ўзбекистон ҳамкорлигининг Марказий Осиёда ва ундан ташқарида ҳам барқарорлик ва хавфсизликни таъминлашдаги алоҳида аҳамиятини таъкидлаб ўтди. К. Токаевнинг фикрига кўра, икки мамлакат парламентлари президентларнинг ташаббуслари, хусусан, Орол ҳавзасида сув ресурсларидан оқилона фойдаланиш бўйича ишларни амалга ошириш устида ишлашлари мумкин”, - дейилади хабарда.
Шунингдек, Сенат раиси Қозоғистон ва Ўзбекистон ўртасидаги ҳар томонлама алоқаларнинг ривожланиш динамикасига юқори баҳо бериб, Қозоғистон президенти Нурсултон Назарбоевнинг Ўзбекистонга яқинда бўлиб ўтган давлат ташрифи, унинг доирасида катта ҳужжатлар пакетининг имзоланиши "иккитомонлама муносабатлар янги даражага чиқарган"ини айтиб ўтди.
Бундан ташқари, К. Токаев таълим фақат қозоқ тилида олиб бориладиган 164 мактабларнинг мавжудлиги, бу эса қозоқ миллатига мансуб Ўзбекистон фуқароларининг маънавий эҳтиёжларига эътибор рамзи эканлиги учун миннатдорлик билдирди.
К. Токаев Ўзбекистон Олий Мажлиси Сенати Ниғматилла Йўлдошев ва Олий Мажлис Қонунчилик палатаси Спикери Нурдинжон Исмоилов билан учрашувда қонунчилик иши соҳасида парламентлараро мулоқот ва ҳамкорликни ривожлантириш масалаларини муҳокама қилди.
“Иккитомонлама асосда ва халқаро ташкилотлар доирасида парламентлараро алоқаларни янада фаоллаштиришга келишиб олинди”, - деб хабар қилади ҚР Сенатининг матбуот хизмати.
Эслатиб ўтамизки, ҚР президентнинг Ўзбекистонга 16 сентябрдаги ташрифи чоғида 2018 йилда Орол денгизи муаммолари бўйича саммит ўтказишга келишиб олинган эди.
