Қозоғистонда рўй берган ЙТҲда ҳалок бўлганларнинг жасадлари Ўзбекистонга олиб келинди

Тошкент. 22 апрель. ЎзТАГ – Қозоғистоннинг Жамбил вилояти Қордай тумани яқинида содир бўлган ЙТҲ оқибатида ҳалок бўлган ўзбекларнинг жасади Ўзбекистонга олиб келинди, дея хабар беради Ўзбек телеграф агентлиги (ЎзТАГ).

“Олмаота шаҳрида Ўзбекистон Бош консуллигининг берган маълумотларига кўра, қариндошлигини аниқлангандан ва бош консулликнинг расмийлаштирилиши тугагандан сўнг 22 апрель куни Жамбул вилоятида рўй берган ЙТҲ оқибатида 20 апрелда вафот этган Ў.Убдуҳолиқов, А. Калмуратов, Д. Ермекбаева жасади “Жибек Жолы” – “Ғишт кўприк” орқали автомобилларда қариндошлар ҳамроҳлигида назорат-ўтказиш пункти орқали Ўзбекистонга олиб келинган”, - дейилади Ташқи ишлар вазирлиги матбуот хизмати хабарида.

Эслатиб ўтамиз, 20 апрель куни Қозоғистоннинг Жамбил вилояти Кордай тумани автобуси билан боғлиқ ЙТҲ оқибатида 11 киши ҳалок бўлган, жумладан, саккиз нафар Қозоғистон фуқароси, учтаси Ўзбекистон фуқароси. Яна 29 таси жароҳатланган.

Сурат манбаи: zamin.uz