Қозоғистонда ЙТҲ оқибатида 4 нафар Ўзбекистон фуқароси жароҳатланган

Тошкент. 18 июль. ЎзТАГ – 4 нафар Ўзбекистон фуқароси Қозоғистонда йўл-транспорт ҳодисаси (ЙТҲ) оқибатида жароҳатланган, дея хабар беради Ўзбек телеграф агентлиги (ЎзТАГ).

"Ўзбекистон Бош консуллигининг Олмаота шаҳридан (Қозоғистон) берган маълумотига кўра, 16 июль куни Туркистон вилояти ҳудудида" Олмаота-Тошкент-Термиз " трассасининг 63-кмида ЙТҲ содир бўлган. Оқибатда микроавтобуснинг 5 та йўловчиси ҳалок бўлган. Уларнинг учтасининг шахси аниқланмоқда. Транспорт воситасининг ҳайдовчиси ва 6 нафар йўловчи, шу жумладан, 4 нафар Ўзбекистон фуқароси жароҳат олган ва тиббий кўрикдан сўнг уларнинг соғлиғи барқарор бўлгани туфайли тиббий муассасани тарк этишган", - дейилади Ташқи ишлар вазирлиги (ТИВ) матбуот хизмати хабарида.

Қайд этилганидек, бош консулхона вазиятни назорат остига олди.

Сурат манбаи: znaj.ua