Қозоғистоннинг Ўзбекистондаги янги элчиси ТИАИСВ қабул қилинди
Тошкент. 22 апрел. ЎзТАГ – Куни кеча Ташқи иқтисодий алоқалар, инвестициялар ва савдо вазирлигида Қозоғистон Республикасининг Ўзбекистондаги янги Фавқулода ва Мухтор Элчиси Е.Утембаев қабул қилинди, деб хабар берад муассаса матбуот хизмати.
“Учрашувда олий даражада эришилган келишувларни амалга ошириш, савдо иқтисодий ҳамкорликнинг бугунги ҳолати ва истиқболлари, шу жумладан, иккитомонлама савдо айланмасини янада ошириш тадбирлари, шунингдек, транспорт ва транзит соҳасидаги ҳамкорлик масалалари муҳокама қилинди”, - дейилади хабарда.
Эслатиб ўтамизки, Қозоғистоннинг Ўзбекистондаги янги элчиси Е.Утембаев ўз вазифасини бажаришга жорий йилнинг апрел ойида киришди. Ушбу лавозимда у 2015 йил декабрда Тошкентдаги миссиясини якунлаган Борибай Жексембиннинг ўрнига келди.
