“Пахтакор” ФКга янги вице-президент ва бош директор тайинланди
Дата: 19:28, 26-04-2017.
Тошкент. 26 апрел. ЎзТАГ – “Пахтакор” футбол клубига янги вице-президент ва бош директор тайинланди, деб хабар беради Ўзбек телеграф агентлиги (ЎзТАГ).
“Бугун “Пахтакор” футбол клуби раҳбариятида ўзгаришлар бўлди. Клуб президенти, Тошкент шаҳар ҳокими Раҳмонбек Усмоновнинг қарорига мувофиқ, Ўзбекистон дзюдо федерацияси вице-президенти Бобур Қобулович Шодиев клуб вице-президенти этиб тайинланди. Клуб бош директори лавозимига Ўзбекистон Миллий Олимпия қўмитаси вице-президенти Умид Маҳаматжонович Аҳматжонов тайинланди”, - деб хабар беради клуб матбуот хизмати.
