“Пахтакор” мавсум олдидаги якуний йиғинни ўтказиш учун Туркияга жўнаб кетди
Дата: 12:25, 03-02-2015.
Тошкент. 3 феврал. ЎзТАГ – Куни-кеча “Пахтакор” футбол клуби мавсум олдидаги якуний йиғинни ўтказиш учун Туркияга жўнаб кетди, дея хабар беради Ўзбек телеграф агентлиги (ЎзТАГ).
“Йиғин доирасида пойтахт жамоаси 5 феврал куни “Торпедо” (Кутаиси) билан, 8 февралда Туланинг “Арсенал” ва ниҳоят, 12 февралда Қозоннинг “Рубин” жамоалари билан ўйнайди. Яна бир рақиб жамоаси номи яқин кунларда маълум бўлади”, – деб таъкидлашди клуб матбуот хизматида.
Мазкур йиғин 17 февралгача давом этади.
