“Пахтакор”нинг ёшлар таркиби Kaluga Junior Cup халқаро турнирининг ғолиби бўлди

Тошкент. 8 июн. ЎзТАГ – “Пахтакор”нинг ёшлар таркиби Kaluga Junior Cup халқаро турнирининг ғолиби бўлди. Жамоа финалда “Динамо Минск” клубини мағлуб этди, деб хабар беради Ўзбек телеграф агентлиги (ЎзТАГ).

“Финал баҳси жуда қаттиқ кечди. Биринчи бўлимда “Динамо-Минск” ўйинчилари устун келишига қарамасдан ҳисоб очилмади. Иккинчи бўлимда ҳимоячилар ҳатосидан унумли фойдаланган Руслан Розиев “Пахтакорни” олдинга олиб чиқди - 1:0. Голдан сўнг вакилларимизда ҳисобни ошириш учун бир қатор имкониятлар бўлди, лекин иккинчи гол фақатгина учрашувининг сўнги дақиқасида киритилди ва ҳисоб 2:0га айланди”, деб таъкидлашди клубда.

Шунингдек, “Пахтакор” вакиллари Диёр Холматов мусобақанинг энг яхши ҳужумчиси, Руслан Розиев эса мусобақанинг энг яхши ўйинчиси деб тан олиндилар.